კვიპროსის რესპუბლიკაში საქართველოს დიპლომატიური მისიის ხელმძღვანელმა, მარინე ნარჩემაშვილმა, შეხვედრა გამართა კვიპროსის რესპუბლიკის მიგრაციის მინისტრთან, ნიკოლას იოანიდესთან.

შეხვედრაზე მხარეებმა მიმოიხილეს საქართველო-კვიპროსის ორმხრივი ურთიერთობის დღის წესრიგი, მიესალმნენ სხვადასხვა სფეროში არსებულ თანამშრომლობას და გამოთქვეს მზადყოფნა, ხელი შეუწყონ ურთიერთობების შემდგომ გაღრმავებას.

საქართველოს საქმეთა დროებითმა რწმუნებულმა მინისტრს გააცნო მიგრაციის სფეროში საქართველოს მიერ გატარებული რეფორმები.