ᲡᲐᲒᲐᲠᲔᲝ ᲡᲐᲥᲛᲔᲗᲐ ᲡᲐᲛᲘᲜᲘᲡᲢᲠᲝ ᲐᲪᲮᲐᲓᲔᲑᲡ ᲓᲔᲓᲐᲔᲜᲘᲡ ᲓᲦᲘᲡᲐᲓᲛᲘ ᲛᲘᲫᲦᲕᲜᲘᲚ ᲡᲐᲒᲠᲐᲜᲢᲝ ᲙᲝᲜᲙᲣᲠᲡᲡ „ᲩᲔᲛᲘ ᲔᲜᲐ ᲥᲐᲠᲗᲣᲚᲘ“

კონკურსში მონაწილეობა შეუძლიათ:

-    საზღვარგარეთ მოქმედ ქართულ დიასპორულ ორგანიზაციებს;
-    ქართულ საკვირაო სკოლებს;
-    საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით;
-    სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.

დაინტერესებულმა ორგანიზაციებმა და ფიზიკურმა პირებმა უნდა წარმოადგინონ:

-    შევსებული განაცხადის ფორმა;
-    განმცხადებლის საქართველოს მოქალაქის მოქმედი პირადობის მოწმობა ან საქართველოს მოქალაქის პასპორტი;
-    ადგილსამყოფელ ქვეყანაში ლეგალურად ყოფნის დამადასტურებელი დოკუმენტი;
-    პროექტის დეტალური აღწერა;
-    ბიუჯეტი.

პროექტების შეფასებისას უპირატესობა მიენიჭება შემდეგ კრიტერიუმებს:

-    დიპლომატიურ წარმომადგენლობებთან თანამშრომლობის ხარისხი;
-    პროექტის მოსალოდნელი შედეგი;
-    პროექტში მოსწავლეთა ჩართულობის დონე;
-    ინოვაციურობა და მდგრადობა;
-    განხორციელებადობა და ბიუჯეტის გამართულობა.

განაცხადი მიიღება 2026 წლის 14 მაისის  ჩათვლით, ელ-ფოსტის მისამართზე: [email protected].ge

კონკურსის შედეგები გამოცხადდება 2026 წლის 26 მაისს. 

საგრანტო კონკურსის „ჩემი ენა ქართული“  - დანართები:

-    პროგრამის აღწერა;
-    განაცხადის ფორმა;
-    ხარჯთაღრიცხვის ფორმა.

დამატებითი ინფორმაციისთვის გთხოვთ, დაგვიკავშირდეთ:

ელ-ფოსტა: [email protected]

ტელეფონი: (+995 32) 2 94 50 00